Jami'an Tsaron Najeriya 53 ne suka rasa ransu cikin Makonni 2

Jami'an Tsaron Najeriya 53 ne suka rasa ransu cikin Makonni 2

Aƙalla jami’an tsaro 53  ciki har da sojoji, ƴan sanda, jami’an NSCDC, kwastam, da na shige da fice da ƴan sa kai, aka kashe a sassa daban daban na Najeriya cikin makonni biyu da suka gabata. 

Yawancinsu ƴan bindiga ne suka halaka su  yayin hare hare, wasu kuma a wuraren binciken tsaro.

Rahotanni sun nuna cewa daga Janairun 2023 zuwa Oktoban 2024 an kashe jami’an ’yan sanda 229 a faɗin ƙasar. 

Masu kisan sun haɗa da ƴan bindiga, Boko Haram, IPOB, da ƴan fashi da kuma ƙungiyoyin asiri.

Sabbin hare haren sun fi kamari a jihohin Benue da Kogi, inda aka kashe jami’an tsaro da dama tare da sace wasu. 

Sai dai  hukumar DSS ta gurfanar da mutane tara a Abuja kan zargin kisan gilla, fataucin makamai da kai hare hare a Benue da Filato.