Gwamnatin Kano ta ce babu batun daukan sabbin ma'aikata a halin yanzu
Hukumar ma’aikata ta jihar Kano (CSC) ta lura da yadda ake yada labaran karya da ke nuna cewa ana sayar da fom din neman guraben aiki ga masu neman aiki.
Hukumar na son sanar da jama’a cewa babu wani lokaci da ta ba da izinin siyar da duk wani fom na neman aiki na Ma’aikatan Jiha. Wannan magana gaba É—aya ba gaskiya ba ce kuma yakamata a yi watsi da ita gaba É—aya.
Hukumar ta yi kira ga jama’a da su dogara kawai ga shafukan gwamnati don samun ingantattun bayanai kan daukar ma’aikata da sauran ayyukan hukumar. Za a fitar da duk sanarwar hukuma ta hanyar dandamalin gwamnati da suka dace.
Hukumar ta sake nanata kudurinta na tabbatar da gaskiya, da rikon amana, da kuma tsarin da ya dace a kowane aikin daukar ma'aikata.
Duk wanda aka samu yana aikata zamba a karkashin hukumar za a gurfanar da shi kamar yadda doka ta tanada.
Don haka hukumar ta gargadi jama’a da su guji ‘yan damfara tare da yin kira ga kowa da kowa ya kiyaye.
Domin samun sahihan bayanai kan ayyukan hukumar, ana shawartar jama’a da su rika bin hanyoyin sadarwa da gwamnati ta amince da su ko kuma su ziyarci ofishin hukumar ma’aikata ta Jihar Kano da ke Sakatariyar Audu Bako, Kano.
