Tinubu zai jagoranci taron ECOWAS don tattauna juyin mulki a Nijar

Shugabannin Yammacin Afrika za su gudanar da wani taron gaggawa a ranar Lahadi don tattaunawa kan juyin mulki da aka yi a Jamhuriyar Nijar a ranar Laraba.

Shugaban Najeriya Bola Ahmed Tinubu zai jagoranci zaman a Abuja, babban birnin Najeriya.

Mista Tinubu dai shi ne sabon shugaban kungiyar Ecowas.

Cikin wata sanarwa, shugaba Tinubu ya yi Alla-wadai da juyin mulkin, inda kuma ya yi wa al'ummomin kasashen waje cewa zai yi duk mai yiwuwa domin kare dimokuraɗiyya da kuma tabbatar da ɗorewar kyakkyawar shugabanci a yankin.